عنوان: موجودہ مسجد کو مدرسے کے لیے تبدیل کرکے خالی جگہ میں نئی مسجد بنا سکتے ہیں یا نہیں؟

سوال: ہمار ی مسجد کافی کھلی جگہ ہے ، موجودہ مسجد کو مدرسے کے لیے تبدیل کرکے خالی جگہ میں نئی مسجد بنا سکتے ہیں یا نہیں؟(اس لیے کہ پرانی مسجد کافی مظبوط ہے ، لیکن چھوٹی ہے اس لیے پرانی مسجد کو مدرسے میں تبدیل کرکے مسجد ہی کی جو خالی جگہ پر سرے سے نئی مسجد بنا نا چاہتے ہیں اگر اجازت ہے تو؟) براہ کرم، اس بارے میں رہنمائی فرمائیں۔

جواب نمبر: 4868401-Sep-2020 : تاریخ اشاعت

بسم الله الرحمن الرحيم

فتوی: 1377-1377/M=12/1434-U جو جگہ ایک مرتبہ شرعی مسجد بن جاتی ہے وہ تاقیامت مسجد برقرار رہتی ہے، اس کی مسجدیت ختم نہیں کی جاسکتی، لہٰذا سوال میں جس مسجد کا ذکر ہے اگر وہ شرعی مسجد ہے تو اس کو مدرسہ میں تبدیل کرنا ہرگز جائز نہیں، ہاں مسجد چھوٹی اور تنگ پڑگئی ہے تو اصل مسجد کو باقی رکھتے ہوئے اس میں جس قدر توسیع ممکن ہو توسیع کی جاسکتی ہے، اس میں کوئی ممانعت نہیں۔