• عبادات >> اوقاف ، مساجد و مدارس

    سوال نمبر: 38285

    عنوان: مسجد کی صحن میں راستہ

    سوال: ایک زمین مسجد کے لیے وقف کیا اور اس کے کچھ حصہ میں مسجد تعمیر کردیا اور بقیہ مسجد کی صحن پر دیوار بنادیا۔ اب سوال یہ ہے کہ کیا مسجد کے لیے وقف شدہ زمین جو مسجد کی صحن ہے اس میں ایک گھر کے لیے مستقل راستہ بنانا جائز ہے یا نہیں؟

    جواب نمبر: 38285

    بسم الله الرحمن الرحيم

    فتوی: 731-625/B=5/1433 جو زمین جس مقصد کے لیے وقف ہے، اس کو اسی مقصد میں استعمال کرنا ضروری ہے، واقف کی منشا کے خلاف کسی دوسرے مقصدمیں استعمال کرنا شرعاً جائز نہیں، جو زمین مسجد کی ہے، مسجد کے اوپر وقف ہے اسے مسجد کے مصالح اور منفعت میں استعمال کرنا ہوگا۔ اس میں کسی کے گھر کے لیے راستہ دینا جائز نہ ہوگا۔ مراعاة غرض الواقفین واجبة․ (شامی)


    واللہ تعالیٰ اعلم


    دارالافتاء،
    دارالعلوم دیوبند