عنوان: مسجد مے اجرت دیکر پڑھنا(مسجد کے اندر ٠

سوال: 1- میں مسجد میں امام صاحب سے پڑھتا ہوں اور وہ کچھ فیس لیتے ہیں۔ سوال یہ ہے کہ مسجد میں اجرت دیکر پڑھنا یا پڑھانا صحیح ہے؟ 2- میرے آ گے کی دو دانت باہر کو ہے، ڈاکٹر نے بتایا کہ اسے ٹھیک کرنے ک لئے دو اپر اور دو نیچے کے دانت ہٹانے ہونگے تب ہی اسے جگہ ملے گی اندر جانے کو جس میں وو کلپ لگاکر اندر کرتے ہیں۔ سوال یہ ہے ک ایسا کروانا شرعاً جائز ہے یا نہیں؟

جواب نمبر: 3681801-Sep-2020 : تاریخ اشاعت

بسم الله الرحمن الرحيم

فتوی(ب): 220=167-3/1433 (۱) بہ طور پیشہ اجرت لے کر مسجد میں پڑھانا مکروہ ہے؛ لیکن اگر کوئی دوسری جگہ میسر نہ ہو یا مسجد کی حفاظت بھی مقصود ہو تو پھر مسجد میں اجرت لے کر تعلیم دینے میں کوئی حرج نہیں۔ (۲) آگے کے دودانت کا باہر کو ہونا ایک طرح کا عیب ہے؛ اس لیے اسے ٹھیک کرانے کے لیے مذکورہ تدبیر اپنائی جاسکتی ہے، بہ شرطیکہ قابل اعتماد ڈاکٹر یہ یقین دہانی کرے کہ اس عمل کے بعد یہ عیب درست ہوجائے گا اور اس کے نتیجے میں کوئی دوسری تکلیف پیدا نہ ہوگی ”یستفاد مما في الفتاوی الہندیة: إذا أراد الرجل أن یقطع إصبعا زائدة أو شیئًا آخر قال نصیر -رحمہ اللہ- إن کان الغالب ہو النجاة فہو في سعة من ذلک (الفتاوی الہندیة: ۵/۳۶۰) کذلک یستفاد مما في السیرة الحلبیة من قصة قتادة وإعادة عینہ إلی محلّہا مخافة أن لا تحبہا زوجتہا․