عبادات >> اوقاف ، مساجد و مدارس
سوال نمبر: 153448
جواب نمبر: 153448
بسم الله الرحمن الرحيم
Fatwa: 1237-1207/N=11/1438
مکتب میں جو بچے پڑھنے آتے ہیں، وہ بہت مختصر تعداد میں ہوتے ہیں، ان کے اساتذہ انھیں اچھی طرح جانتے، پہنچانتے ہیں؛ اس لیے مکتب کے بچوں کے لیے (باتصویر )آئی کارڈ بے ضرورت، محض اسکول والوں کی نقالی اور فیشن کی چیز ہے اور شریعت میں بلا ضرورت شرعیہ تصویر کھینچنا اور کھینچوانا ناجائز وحرام ہے؛ اس لیے مکتب والوں کا بچوں کے لیے (باتصویر) آئی کارڈ بنوانا ہی جائز نہیں۔ اور پھر بچوں کو مسجد میں آئی کارڈ گلے میں لٹکاکر کھلی تصویر کے ساتھ بلانا مزید گناہ کا کام ہے، تصویر کی جگہ فرشتے نہیں جاتے اور مسجد رحمت کے فرشتوں کی جگہ ہے ، وہاں کھلی تصویر کے ساتھ آنا فرشتوں کے لئے سخت اذیت اور تکلیف کی چیز ہے، اور یہ بھی محض اسکول والوں کی نقالی ہے، دینی مکتب والوں کو اسکول والوں کی نقالی سے بچنا چاہیے، اللہ تعالی حفاظت فرمائیں۔
واللہ تعالیٰ اعلم
دارالافتاء،
دارالعلوم دیوبند