عقائد و ایمانیات >> قرآن کریم
سوال نمبر: 41078
جواب نمبر: 41078
بسم الله الرحمن الرحيم
فتوی: 1384-879/L=10/1433 حروف مقطعات جو اوائل سور میں آئے ہیں، ان کے متعلق بعض مفسرین نے فرمایا کہ یہ ان سورتوں کے نام ہیں، بعض حضرات نے فرمایا کہ اسمائے الٰہیہ کے رموز ہیں، مگر جمہور صحابہ وتابعین اور علمائے امت کے نزدیک راجح یہ ہے کہ یہ حروف رموز اور اسرار ہیں جس کا علم سوائے حق تعالی کے کسی کو نہیں دیا گیا اور یہ ہوسکتا ہے کہ رسول کریم صلی اللہ علیہ وسلم کو اس کا علم بطور ایک راز کے دیا گیا ہو جس کی تبلیغ امت کے لیے روک دی گئی ہو اسی لیے آنحضرت صلی اللہ علیہ وسلم سے ان حروف کی تفسیر وتشریح میں کچھ منقول نہیں۔
واللہ تعالیٰ اعلم
دارالافتاء،
دارالعلوم دیوبند