عنوان: مشدد حرف كو وقف كی حالت میں كیسے پڑھیں گے؟

سوال: جس حرف پر تشدید (مشدد) ہو ا س پر ساکن کرتے وقت کیسے پڑھیں گے؟ مطلب حرکت کو ادا کرنا ہے؟یا صرف حرف کو؟

جواب نمبر: 17167401-Sep-2020 : تاریخ اشاعت

بسم الله الرحمن الرحيم

Fatwa : 986-828/SN=11/1440

اگر آپ کی مراد حرف مشدد پر وقف کرنے کی صورت میں ادائیگی کا طریقہ پوچھنا ہے، تو اس کا طریقہ یہ ہے کہ حرفِ مشدد کو ساکن (بلا حرکت) کردیا جائے، لیکن تشدید باقی رکھی جائے، یعنی دو حرف کی ادائیگی کے برابر دیر لگائی جائے جیسا کہ وقف نہ کرنے کی صورت میں کیا جاتا ہے۔ بہتر یہ ہے کہ کسی اچھے قاری سے سن کر ادائیگی کا طریقہ معلوم کرلیں اور اس کے مطابق عمل کیا کریں، تاکہ غلطی کا امکان نہ رہے۔ (دیکھئے: جامع الوقف و معرفة الوقوف ، مع حاشیہ، مکتبہ رشیدیہ، دیوبند، ص: ۲۵، نیز: معلم التجوید للمتعلم المستفید ، ص: ۱۹۵ - ص: ۱۸۹، ط: مکتبہ مدنیہ دیوبند) ۔