عنوان: موبائل پر قرآنی آیات کو بغیر وضو ٹائپنگ کرنا شرعاً کیسا ہے ؟

سوال: سوال: موبائل کی اسکرین کے اندر جو کی بورڈ رہتا ہے (یعنی وہ کی بورڈ نہیں جواسکرین کے باہر بٹن کی شکل میں رہتا ہے )جس میں عربی حروف ظاہر ہوتے ہیں اس میں قرآنی آیات کو بغیر وضو ٹائپنگ کرنا شرعاً کیسا ہے ؟ واضح رہے کہ اس صورت میں قرآن کے حروف پر براہ راست مس ہو رہا ہے کیونکہ کاغذ پر لکھتے وقت حروف کو چھونے سے منع ہے اور اس صورت میں ٹائپنگ بھی کتابت کے مانند ہے ؟

جواب نمبر: 15363201-Sep-2020 : تاریخ اشاعت

بسم الله الرحمن الرحيم

Fatwa:1290-1345/sn=2/1439

فقہاء نے یہ تصریح کی ہے کہ غیر مصحف میں صرف اس حصے کو بلاوضو چھونا جائز نہیں ہے جس پر قرآن کی آیتیں لکھی ہوں، اس کے علاوہ دیگر حصوں پر ہاتھ لگانے کی گنجائش ہے، اور ”اسکرین ٹچ“ موبائل میں ”کی بورڈ“ کا حصہ الگ ہوتا ہے اور جس حصے پر قرآن کی آیتیں ٹائپ ہوکر کھتی ہیں وہ الگ ہوتا ہے؛ اس لیے اسکرین پر ظاہر ہونے والے کی بورڈ کے حروف پر انگلی رکھ کر قرآنِ کریم ٹائپ کرنے کی بلاوضو بھی گنجائش ہوگی، کاغذ پر ہاتھ سے لکھنے کی صورت میں اس سے کچھ مختلف ہے․․․ لا یحرم في غیر المصحف إلا بالمکتوب أي موضع الکتابة الخ (درمختار مع الشامی)