عنوان: محض سہولت کی وجہ سے کسی دوسرے امام کے مسلک کو اختیار کرنا 

سوال:

قربانی کے لئے تین ہی دن پر کیوں اصرار کیوں کیا جاتا ہے جبکہ اس سلسلے میں امام شافعی کا مسلک چار دن کا ہی ہے ۔ کیا ایک عالم دین کے لئے تقلید جامد (یعنی اپنے مسلک کے علاوہ کچھ نہیں) جائز یا مناسب ہے ۔ چونکہ ہم بر صغیر کے باسی ہیں تو ایسا دیکھنے میں آیا ہے کہ کسی مسئلہ میں دوسرے مسلک کی دلیل کو کمزور کرکے ایسا ظاہر کیا جاتا ہے کہ جیسے کسی ملحد یا کافر کو سر کر لیا ہو ۔ کیا اگر کوئی انسان حنفی ہے تو تعمیل دین کی سہولت کے لئے کسی مسئلے میں کوئی اور مسلک اختیار کر سکتا ہے ۔

جواب نمبر: 60039301-Nov-2020 : تاریخ اشاعت

بسم الله الرحمن الرحيم

Fatwa : 154-154/B=03/1442

 ائمہ اربعہ میں سے ہر ایک کے یہاں اصول اجتہاد علیحدہ علیحدہ ہیں۔ اور سب کے احکام مستنبطہ اپنے اصول کے لحاظ سے صحیح ہیں۔ اگر آپ شافعی مسلک رکھتے ہیں تو ۴/ دن قربانی کریں کوئی آپ کو کیوں منع کرتا ہے۔ لیکن محض سہولت کی وجہ سے کسی دوسرے امام کے مسلک کو اختیار کرنا یہ خواہش نفسانی کا اتباع ہے۔ شریعت کا اتباع نہیں ہے۔