عقائد و ایمانیات >> تقلید ائمہ ومسالک
سوال نمبر: 36330
جواب نمبر: 36330
بسم الله الرحمن الرحيم
فتوی(م): 539=539-3/1433 چاروں امام حق پر ہیں، مگر ایک مسلک کی پابندی اس لیے ضروری ہے تاکہ آدمی خود غرضی کا شکار نہ ہوجائے اور خواہشات کی پیروی میں نہ پڑجائے کیوں کہ اگر یہ آزادی حاصل ہو کہ جو جس مذہب پر عمل کرنا چاہے کرے تو نفس بے قید ہوجائے گا اور جس مسلک کا جو مسئلہ اس کی پسند اور خواہش کے مطابق ہوگا اس کو اختیار کرلے گا، حضرت مفتی صاحب کی بات درست ہے، جو جس امام کا مقلد ہے اس کو یہ اعتقاد رکھنا چاہیے کہ اس کے امام کامسلک راجح اوردوسرے کا مرجوح ہے۔ اور یہ قیامت کے دن معلوم ہوگا کہ کس امام کا اجتہاد صواب ہے اور کس کا خطا پر مبنی ہے۔
واللہ تعالیٰ اعلم
دارالافتاء،
دارالعلوم دیوبند