عقائد و ایمانیات >> تقلید ائمہ ومسالک
سوال نمبر: 20061
اگر کوئی سنی امام جعفر صادق کا فقہ قبول کرے جیسے بنا ہاتھ باندھے نماز پڑھنا تو کیا وہ حق پر ہے؟ ابو حنیفہ اور امام جعفر میں سے کیا کسی کی بھی اتباع کرسکتے ہیں؟
اگر کوئی سنی امام جعفر صادق کا فقہ قبول کرے جیسے بنا ہاتھ باندھے نماز پڑھنا تو کیا وہ حق پر ہے؟ ابو حنیفہ اور امام جعفر میں سے کیا کسی کی بھی اتباع کرسکتے ہیں؟
جواب نمبر: 20061
بسم الله الرحمن الرحيم
فتوی(د): 431=321-3/1431
سنی کے لیے کسی مسئلہ میں بھی فقہ جعفری کو قبول کرنا جائز نہیں، فقہ جعفری میں روافض نے اپنی جانب سے آمیزش کی ہے؛ اس لیے جب ائمہ اربعہ کا فقہ مدون اور مستند طور پر موجود ہے تو انھیں میں سے کسی ایک امام کی پیروی کرنا وادجب ہے۔ ایک مسئلہ میں کسی امام کی دوسرے مسئلہ میں کسی اور امام کی پیروی جائز نہیں، یہ تلفیق ہے جو کہ بالاتفاق حرام ہے۔
(۲) امام جعفر کا فقہ مستند طور پر مدون نہیں ہے اور امام ابوحنیفہ کا فقہ مستند طور پر مدون موجود ہے، اس لیے ثانی الذکر کا اتباع کرنا واجب ہوا۔
واللہ تعالیٰ اعلم
دارالافتاء،
دارالعلوم دیوبند