متعلقہ سوالات

آج کل مسلم نوجوان اسلامی فرقوں جیسے دیوبندی، بریلوی، اہل حدیث، دوسرے مسائل مثلا طریقہ نماز وغیرہ، کے سلسلے میں تذبذب کے شکار ہیں۔ براہ کرم، مجھے بتائیں کہ صحیح راستہ کونساہے؟ اور نماز کے طریقے کیا ہیں؟ فی الوقت میں اہل حدیث کے مطابق نماز پڑھ رہاہوں۔

مو طا امام مالک زیادہ مستند اورجامع ہے، اورفقہی مسائل اس میں زیادہ ہیں یا مو طاامام محمد؟ (۲) کیا الفقہ الاکبر امام ابو حنیفہ رحمتہ اللہ کی لکھی ہوئی ہے؟ کیا یہ کتاب عقائد میں مستند ہے؟

اہل حدیث کہتے ہیں کہ امام شافعی کا قول ہے کہ اگر میرا طریقہ قرآن و سنت کے خلاف ہو تو اسے دیوار پر ماردو۔ تو شافعی مذہب میں بوسہ لینے سے وضو ٹوٹ جاتا ہے، حنفی مذہب میں نہیں ٹوٹتا، اور ابو داؤد کی حدیث ہے، جس کا مفہوم ہے کہ حضرت عائشہ رضی اللہ عنہا نے نبی صلی اللہ علیہ وسلم کا بوسہ لیا اور اس کے بعد بغیر وضو کیے آپ صلی اللہ علیہ وسلم نے نماز پڑھی۔ تو کیا شافعی فتوی حدیث کے خلاف نہیں؟ تو پھر اسے دیوار پر کیوں نہیں مارتے؟

دوسرے ائمہ كے كن مسائل پر احناف نے فتوی دیا ہے؟

میں بہت سارے جوابات میں دیکھتا ہوں کہ حنفی اس کو کرسکتے ہیں ، شافعی اس کوکرسکتے ہیں ، جب کہ قیامت کے دن یہ دیکھا جائے گا کہ کیا ہم نے اللہ کے احکام اور رسول اللہ صلی اللہ علیہ وسلم کے طریقہ کی پیروی کی نہ کہ حنفی اور شافعی کی۔جب ہم کہتے ہیں کہ تمام امام صحیح ہیں تو یہ کیسے ممکن ہے کہ ایک چیز شافعی کے ذریعہ سے کی جائے اور وہی چیز حنفی کے ذریعہ سے نہ کی جائے؟ مثلاً ایک جواب میں یہ لکھا ہے کہ دوسری جماعت اسی مسجد میں جائز نہیں ہے حنفی ہونے کی صورت میں لیکن شافعی ہونے کی صورت میں یہ جائز ہے۔ ایک مزیدمثال حرم میں شافعی کسی بھی وقت نماز پڑھ سکتا ہے ،اس میں مکروہ وقت بھی ہے جب کہ حنفی مکروہ وقت میں نہیں پڑھ سکتا ہے۔ برائے کرم اس کی وضاحت فرماویں کیوں کہ میں اس سلسلہ میں بہت زیادہ فکر مند ہوں۔