معاشرت >> طلاق و خلع
سوال نمبر: 67346
جواب نمبر: 67346
بسم الله الرحمن الرحيم
Fatwa ID: 1074-1100/N=10/1437 (۱- ۳) : اگر کسی شخص نے اپنی بیوی کو ایک طلاق بائن دیدی تو عورت پر ایک طلاق بائن واقع ہوجائے گی اور وہ شوہر پر حرام ہوجائے گی، البتہ باہمی رضامندی سے دونوں کا باہم عدت میں یا عدت کے بعد نکاح درست ہوگا اور نکاح کے بعد شوہر صرف دو طلاق کا حق حاصل ہوگا، مکمل تین کا نہیں۔ اور جب تک دونوں کا نکاح نہ ہو ، عورت کا طلاق دینے والے سابق شوہر سے پردہ ضروری ہوگا، بلا ضرورت دونوں کی آپس میں فون وغیرہ پر کوئی بات چیت وغیرہ درست نہ ہوگی، قولہ: ”ویحرم ذلک فی البائن والوفاة “ : أما فی البائن فلحرمة النظر إلیھا وعدم مشروعیة الرجعیة الخ (رد المحتار، کتاب الطلاق، باب الرجعة ۵: ۳۸، ط: مکتبة زکریا دیوبند) ، وینکح مبانتہ فی العدة وبعدھا بالإجماع (الدر المختار مع رد المحتار، کتاب الطلاق، بابن الرجعة ۵: ۴۰) ۔
واللہ تعالیٰ اعلم
دارالافتاء،
دارالعلوم دیوبند