معاشرت >> طلاق و خلع
سوال نمبر: 601470
ٹایپنگ ٹیسٹ میں فرانسیسی زبان میں ایک تحریر لکھی ہوئی تھی امجد نے وہ تحریر ٹائپ کر دی امجد کا اس تحریر کے معنی نہیں آتے تھے کیونکہ امجد فرانسیسی زبان نہیں جانتا تھا اس تحریر کا مطلب تھا فرانسیسی زبان میں کہ میں اپنی بیوی کو طلا ق دیتا ہوں اس بارے میں شرعی رہنمائی فرمائی جاوے تاکہ شرح صدر ہو۔
جواب نمبر: 601470
بسم الله الرحمن الرحيم
Fatwa : 391-284/B=04/1442
یہ دوسرے کے جملہ کی محض نقل اور حکایت ہے، یہاں ایقاعِ طلاق کی صورت نہیں ہے۔ جیسے کوئی استاذ پڑھاتے وقت اس طرح کا جملہ نقل کرے تو اس سے کوئی طلاق نہیں پڑتی ہے۔ لہٰذا زبان کی لاعلمی سے کوئی ایسا جملہ ٹائپ ہوگیا تو اس سے کوئی طلاق واقع نہ ہوئی۔
واللہ تعالیٰ اعلم
دارالافتاء،
دارالعلوم دیوبند