معاشرت >> طلاق و خلع
سوال نمبر: 600154
عدت گذارنے كے لیے شوہر سے علیحدہ دوسرے فلور میں رہائش اختیار كرنا؟
میرے شوہر نے مجھے طلاق دے دی ہے اور میرے ساتھ 4بچوں کا ساتھ ہیں، سب سے بڑے بچے کی عمر 11سال ہے اور سب سے چھوٹا بچہ7سال کا ہے ، میرے شوہرکا جو گھر ہے Ground 1ہے اور دونو ں فلور کے مرکزی راستے جدا ہے جن کے واش روم، بارورچی خانے اور غسل خانہ سب الگ الگ ہیں، دونوں فلور میں کہیں سے بھی بے پردگی کی کوئی گنجائش نہیں، کیا اس صورت میں شوہر کے طلاق دینے کے بعد میں اس گھر کے شوہر سے علیحدہ فلور میں عدت کے ایام اور مستقل رہائش اختیار کرسکتی ہوں اس پر میری شرعی روشنی میں رہنمائی فرمائیں۔
جواب نمبر: 600154
بسم الله الرحمن الرحيم
Fatwa : 103-100/B=02/1442
دونوں فلور مکانِ واحد کے حکم میں ہیں، اگر دونوں شوہر ہی کے ہیں اگر دونوں میں رہائش پہلے سے ہو۔ اس لئے شوہر والے فلور سے دوسرے فلور میں بھی عدت کے ایام گذار سکتی ہیں، اور اپنے بچوں کے ساتھ رہائش اختیار کرسکتی ہیں۔ اور اگر دوسرے فلور میں رہائش نہ رہی ہو تو عدت کے اندر اس میں نہ جانا چاہئے۔
واللہ تعالیٰ اعلم
دارالافتاء،
دارالعلوم دیوبند