معاشرت >> طلاق و خلع
سوال نمبر: 38980
جواب نمبر: 38980
بسم الله الرحمن الرحيم
فتوی: 947-655/D=6/1433 اگر آپ کے شوہر نے واقعةً ایک ہی طلاق دی تھی اور طلاق کے بعد سے آپ کو مکمل ۳/ حیض (جس حیض میں طلاق دی تھی اس کے علاوہ) آچکے ہیں؛ تو اب دوبارہ نکاح کرنا ضروری ہے اور اگر طلاق کے بعد سے ابھی (جس حیض میں طلاق دی تھی اس کے علاوہ) مکمل ۳/ ماہ واری نہیں آئی ہیں اور شوہر رجوع کرنا چاہتا ہے تو ۳/ ماہ واری کے آنے سے پہلے پہلے شوہر کو رجعت کا حق حاصل ہے، اس کا طریقہ یہ ہے کہ وہ (شوہر) زبان سے کہہ دے کہ میں رجعت کرتا ہوں۔ یا شوہر وہ معاملہ کرے جو شوہر اور بیوی کے ساتھ مخصوص ہے اور اس سے حرمت مصاہرت ثابت ہوجاتی ہے، ایسا کرنے یا کہنے سے نکاح قائم رہے گا، دوبارہ نکاح کی ضرورت نہ ہوگی اور رجوع کے بعد عدت کی بھی کوئی ضرورت نہیں، وإذا طلّق الرجل امرأتہ تطلیقة رجعیة فلہ أن یراجعہا في عدتہا (الہندیة: ۱/۴۷۰)
واللہ تعالیٰ اعلم
دارالافتاء،
دارالعلوم دیوبند