معاشرت >> طلاق و خلع
سوال نمبر: 35568
جواب نمبر: 3556801-Sep-2020 : تاریخ اشاعت
بسم الله الرحمن الرحيم
فتوی(م): 1857=1857-12/1432 صورتِ مسئولہ میں اب حلالہ شرعی کے بغیر رجوع کی کوئی سبیل نہیں۔ فَاِنْ طَلَّقَہَا فَلَا تَحِلُّ لَہُ مِنْ بَعْدُ حَتَّی تَنْکِحَ زَوْجًا غَیْرَہُ (القرآن)
واللہ تعالیٰ اعلم
دارالافتاء،
دارالعلوم دیوبند
جناب نعمت اللہ صاحب نے اپنی بیوی رضوانہ انجم سے فون پر جھگڑا کرتے ہوئے رضواناکی بہن سے کہا: ? میں چھوڑتاہوں ، تمہیں ہی پالنا? پھر اسی گفتگو کے دوران چند منٹوں کے بعد رضوانا سے دومرتبہ کہا :? جاگے! میں نے تجھے طلاق دیا? ( جاگے کا لفظ کرناٹک میں عام بول چال میں چلے جانے کے لیے استعمال ہوتاہے ) فون کا اسپیکر آن تھا اور اس گفتگو کو رضوانا کے بھائی نے بھی سنا ، گویا طلاق کے جملے کو خود رضوانا، اس کے چھوٹے بھائی اور اور اس کی چھوٹی بہن نے سنا۔ اب نعمت صاحب اپنے طلاق کے جملے سے مکر رہے ہیں اور انکار کررہے ہیں توکیا رضوانا اور اس کے بھائی اور بہن کی گواہی سے طلاق مانی جائے گی؟واقعہ تو اپنی جگہ حقیقت ہے ،رضوانا اور نعمت اللہ صاحب کے مابین آٹھ سالوں سے ازدواجی تعلقات بھی نہیں ہے اور خلع کے نام پر رضوانا کے نام پر جو زمین ہے وہ اسے مانگ رہے ہیں۔ اب سوال یہ ہے کہ رضوانا اور اس کے بھائی اور بہن کی شہادت پر طلاق مانی جائے گی؟ واضح رہے کہ اب وہ مستقل تین سالوں سے دونوں الگ الگ ہی رہے ہیں۔ نیز یہ بھی واضح فرمائیں کہ ایک عورت اپنے مرد کے ساتھ رہے گی جب کہ اس کے مابین ازدواجی تعلقات بھی نہ ہو تو وہ اس طرح کی مصیبت کب تک برداشت کرتی رہے گی؟ ایسی صورت میں اب رضوانا کیا کرے؟ کیا وہ اب دوسری شادی کر سکتی ہے؟
2473 مناظرحق مہر معاف کرنے کے بدلے عورت کو طلاق دی جائے تو وہ طلاق ہے یا خلع؟
3221 مناظرمیرا مسئلہ یہ ہے کہ میری شادی ۲۰۰۳ء میں شاہ خالد نامی آدمی سے ہوئی تھی۔ جس دن نکاح تھا اس دن صبح ہی سے حق مہر کا جھگڑا شروع ہوگیا کہ میرے شوہر نے سونے کا سیٹ جس کی مالیت مقرر کردہ مہر سے دو گناکم تھی، دینے کو کہا۔۔۔ جب مفتی صاحب جنھوں نے میرا نکاح پڑھایا انھوں نے اصرار کیا کہ یہ مہر کم ہے اس لیے آپ باقی پیسہ دیں گے۔ مہر میرے شوہر نے خود مقرر کیا اور راضی نامہ ہونے کے بعد نکاح کا اعلان کیا گیا۔ نکاح کے بعد وہ سیٹ اس نے شادی کے دوسرے دن میری الماری توڑ کر نکال کیا کہ یہ میرا ہے۔ میں تم کو مہردے دوں گا۔ جس پر میں خاموش رہی۔ شوہر کچھ کام نہیں کرتا تھا۔ مجھے کبھی اس بات کا سکون نہیں ملا۔ سارا دن سونا اور رات اٹھ کر بات بات پرجھگڑا کرنا ۔ کہ اپنے ماں باپ سے کہو کہ یہ دیں وہ دیں۔ میں اپنے ماں باپ سے کچھ نہیں مانگتی تھی۔ مگر جب وہ کچھ لے کے دیتے وہ مجھ سے چھین لیتا۔ میں اپنے شوہر کے پاس چھ مہینہ رہی۔ آئے دن جھگڑا فساد ایک گھر میں ہم دونوں کا رہنا عذاب ہوگیا۔ اس لیے میں وہ گھر بھی چھوڑ آئی۔ میں اب اس شخص کے ساتھ نہیں رہنا چاہتی۔ وہ چار سال سے ایک دفعہ بھی مجھ سے نہ تو ملنے آیا نہ فون کیا۔ ہم نے اس کا بہت پتہ لگانے کی کوشش کی مگر اس کی بہن کے گھر سے بھی اس کا کچھ پتہ نہیں چلا۔ پچھلے سال میں نے خلع کے لیے عدالت میں فائل جمع کروائی جس کو آٹھ مہینہ ہوگئے ہیں۔ اس کو بار بار بلایا جارہا ہے نہ وہ حاضر ہوتاہے نہ ہی چھوڑتا ہے۔ اب بتائیے اس صورت میں کیا کروں؟ نہ ہی وہ لے جاتا ہے نہ چھوڑتا ہے۔ کیا میرے لیے اس سے چھٹکارے کا کوئی راستہ نہیں؟ خدارا میری مدد کیجئے اس معاملے میں۔ مجھے اب اپناڈر لگنے لگا ہے کہ میں گناہ میں نہ پڑ جاؤں۔ آپ سمجھ سکتے ہیں اس بات کو۔
2288 مناظرمفتی صاحب میں نے اپنے گھر والوں کے سامنے شدید غصہ میں اپنی بیوی کو ذہن میں رکھتے ہوئے تین بار طلاق دیتاہوں کہا، لیکن میری بیوی وہاں موجود نہیں تھی،اور میں نے اس کا نام بھی نہیں لیا تھا۔ مہربانی کرکے مجھے تفصیل سے مسئلہ بتائیں۔
2135 مناظرایک لڑکی نے کسی غیر مسلم کے ساتھ کچھ دن گزارے جس سے ایک لڑکی بھی پیدا ہوئی۔ کیس ہونے کے بعد اس شخص کو جیل ہوئی۔ اب یہ لڑکی کسی مسلمان شخص سے شادی کرنا چاہتی ہے۔ کیا اس کی شادی کے لیے غیر مسلم شوہر سے خلع لینا ضروری ہے یا بغیر خلع لیے ہوئے شادی کرسکتے ہیں؟
1882 مناظراگر کسی شخص نے اپنی بیوی سے صرف ایک مرتبہ کہا:دفع ہوجا ادھر سے, تو کیا اس سے طلاق ہوجائے گی؟ (۲)اگر کوئی شخص صرف ایک مرتبہ طلاق کا لفظ استعمال کرتا ہے اپنی بیوی کے لیے اس کے بعد اگر وہ جماع کرنا چاہتے ہیں تو پھر اسلامی حل کیا ہے؟
4422 مناظر