معاشرت >> طلاق و خلع
سوال نمبر: 31699
جواب نمبر: 31699
بسم الله الرحمن الرحيم
فتوی(م): 865=865-6/1432 بیوی خلع کیوں لینا چاہتی ہے؟ بلاوجہ طلاق یا خلع کا مطالبہ گناہ ہے، حدیث میں ہے کہ ایسی عورت جنت کی خوشبو نہیں پائے گی، ہاں اگر شرعی عذر ہے تو حکم دوسرا ہے جب تک آپ (شوہر) خلع منظور نہیں کریں گے وہ خلع درست نہیں ہوگا، خلع کے صحیح ہونے کے لیے زوجین کی رضامندی شرط ہے، دوسری شادی کے لیے پہلی بیوی سے اجازت لینا لازم نہیں ہے، لیکن دو بیویوں کے درمیان عدل ومساوات قائم رکھنا واجب ہے، اگر اس واجب کو ادا کرنے پر قدرت نہیں تو ایک پر اکتفاء لازم ہے، بیوی دوسری جگہ اس وقت تک شادی نہیں کرسکتی جب تک کہ آپ کی طرف سے طلاق یا خلع کا معاملہ مکمل نہ ہوجائے، اگر آپ کی زوجیت میں رہتے ہوئے کسی دوسرے مرد سے نکاح کرتی ہے تو یہ نکاح لغو اور باطل ہوگا اور عورت گنہ گار ہوگی۔
واللہ تعالیٰ اعلم
دارالافتاء،
دارالعلوم دیوبند