عنوان: ایک لڑکی ہے اس کا شوہر دوسالوں سے لاپتاہے، وہ لڑکی اکیلی ہے ، اس کو اس کے گھروالے بھی رکھنے کو تیار نہیں ہیں، اس لڑکی سے ایک دوسرا لڑکا شادی کرنا چاہتاہے۔

سوال: سوال یہ ہے کہ ایک لڑکی ہے اس کا شوہر دوسالوں سے لاپتاہے، وہ لڑکی اکیلی ہے ، اس کو اس کے گھروالے بھی رکھنے کو تیار نہیں ہیں، اس لڑکی سے ایک دوسرا لڑکا شادی کرنا چاہتاہے۔ براہ کرم، بتائیں کہ وہ نکاح کس طرح کرے؟

جواب نمبر: 3123701-Sep-2020 : تاریخ اشاعت

بسم الله الرحمن الرحيم

فتوی(م): 566=566-4/1432 وہ لڑکی دارالقضا یا مقامی شرعی پنچایت میں درخواست پیش کرے، اس میں شوہر کے لاپتہ ہونے اور اپنی عزت ونفقہ کی پریشانی کا تذکرہ کرکے فسخ نکاح کا مطالبہ کرے، حضرات اراکین شرعی پنچایت اس معاملے میں حسب ضابطہ غور وتحقیق کے بعد جب نکاح فسخ کردیں گے تو عدت کے بعد دوسری جگہ شادی کرسکتی ہے، طلاق، خلع یا فسخ نکاح سے پہلے نہیں کرسکتی۔