معاشرت >> طلاق و خلع
سوال نمبر: 147794
جواب نمبر: 147794
بسم الله الرحمن الرحيم
Fatwa ID: 356-274/D=4/1438
غصہ کی حالت میں بھی طلاق واقع ہوجاتی ہے، پس آپ نے جب تین سے زائد مرتبہ طلاق کے الفاظ کہہ دیے تو بیوی پر تین طلاق مغلظہ واقع ہوگئی دونوں کا رشتہٴ نکاح بالکلیہ ختم ہوگیا، مطلقہ تین ماہواری کے ذریعہ اپنی عدت پوری کرنے کے بعد آزاد ہوجائے گی اور آپ کے علاوہ کسی بھی دوسرے مرد سے نکاح کرنے کی مجاز ہوگی، اگر وہ کسی دوسرے مرد سے نکاح کرلیتی ہے پھر دوسرا شوہر بعد نکاح کے ہمبستری بھی کرلیتا ہے اس کے بعد اگر طلاق دیدے یا ناگاہ بقضائے الٰہی فوت ہوجائے تو عورت دوبارہ اپنی عدت پوری کرنے کے بعد پھر نکاح جدید کرنے میں مجاز ہوجائے گی اس وقت اگر آپ کے ساتھ نکاح کرنے پر آپ دونوں راضی ہوجائیں تو نکاح ہوجائے گا اور واپس لانے کا یہی طریقہ ہے۔
واللہ تعالیٰ اعلم
دارالافتاء،
دارالعلوم دیوبند