عنوان:

میری ماں کے انتقال کے بعد میرے والدنے دوسری شادی کی مگر کچھ دن کے بعد پتہ چلا کہ اس عورت کو ایڈس کی بیماری ہے اور ان کے گھر والوں نے یہ بات شادی سے پہلے نہیں بتائی۔ اسے یہ بیماری شادی کے پانچ سال پہلے سے تھی۔اور وہ حاملہ ہے۔ کیا اس کو طلاق دیسکتے ہیں؟ اور حمل کے بارے میں کیا کرسکتے ہیں۔ برائے کرم اس پر روشنی ڈالیں۔

سوال:

میری ماں کے انتقال کے بعد میرے والدنے دوسری شادی کی مگر کچھ دن کے بعد پتہ چلا کہ اس عورت کو ایڈس کی بیماری ہے اور ان کے گھر والوں نے یہ بات شادی سے پہلے نہیں بتائی۔ اسے یہ بیماری شادی کے پانچ سال پہلے سے تھی۔اور وہ حاملہ ہے۔ کیا اس کو طلاق دیسکتے ہیں؟ اور حمل کے بارے میں کیا کرسکتے ہیں۔ برائے کرم اس پر روشنی ڈالیں۔

جواب نمبر: 1328628-Aug-2020 : تاریخ اشاعت

بسم الله الرحمن الرحيم

فتوی: 846=655/ل

طلاق دینے کی مذکورہ بالا وجہ قابل قبول نہیں، مجھے اس بات کی اطلاع ملی ہے، حکومت نے ایڈس کی جانکاری اور ایڈس زدہ شخص سے بچنے کے لیے ہسپتالوں میں ڈاکٹروں کا انتظام کیا ہے، اس لیے اگر واقعی آپ کی سوتیلی ماں کو ایڈس کی بیماری ہے تو آپ کے والد کو چاہیے کہ ان ڈاکٹروں سے مشورہ کرلیں اوران کے بتائے ہوئے طریقے پر عمل کریں۔

(۲) حمل کے بارے میں یہ حکم ہے کہ اگر کوئی دین دار ماہر حکیم یا ڈاکٹر تصدیق کردے کہ اگر بچہ پیدا ہوا تو اس کو بھی ایڈس ہوجائے گا اور حمل چار مہینے سے کم کا ہے تو اس مجبوری کی صورت میں حمل ساقط کرانے کی گنجائش ہوگی، چار مہینے کے بعد بچے میں روح پڑجاتی ہے، اس لیے اس کے بعد حمل ساقط کرانا حرام ہوگا۔