عنوان:

میرا مسئلہ یہ ہے کہ میرے شوہر نے مجھے کافی سال پہلے تین بار طلاق دی تھی اور ہم لوگ اب بھی ساتھ رہتے ہیں لیکن ہمارا جسمانی تعلق نہیں ہے میں علیحدہ ہونا چاہتی ہوں لیکن کچھ لوگ نہیں چاہتے نیز سابقہ شوہر بھی۔ جب کہ میں دوسری شادی کرنا چاہتی ہوں۔ میں کیا کروں میں بہت پریشان ہوں میں امریکہ میں رہتی ہوں میرے پاس کوئی قانونی ثبوت نہیں ہے مجھے جواب جلدی میں دیں۔

سوال:

میرا مسئلہ یہ ہے کہ میرے شوہر نے مجھے کافی سال پہلے تین بار طلاق دی تھی اور ہم لوگ اب بھی ساتھ رہتے ہیں لیکن ہمارا جسمانی تعلق نہیں ہے میں علیحدہ ہونا چاہتی ہوں لیکن کچھ لوگ نہیں چاہتے نیز سابقہ شوہر بھی۔ جب کہ میں دوسری شادی کرنا چاہتی ہوں۔ میں کیا کروں میں بہت پریشان ہوں میں امریکہ میں رہتی ہوں میرے پاس کوئی قانونی ثبوت نہیں ہے مجھے جواب جلدی میں دیں۔

جواب نمبر: 1270901-Sep-2020 : تاریخ اشاعت

بسم الله الرحمن الرحيم

فتوی: 761=761/م

جس وقت آپ کے شوہر نے تین طلاق دی تھی، اور آپ نے اپنے کان سے صاف سن لیا تھا اسی وقت سے آپ کو شوہر سے علاحدہ ہوجانا اور پردہ کرنا لازم تھا، صورت مسئولہ میں اگر آپ کا شوہر بھی تین طلاق دینے کا اقرار کرتا ہے، یا اس پر شرعی شہادت موجود ہے تو آپ پر تینوں طلاقیں پڑگئیں اور آپ شوہر کے لیے بالکلیہ حرام ہوگئیں، تعلقات نکاح منقطع ہوگئے۔ تین طلاق کے بعد حلالہ شرعی کے بغیر ایک ساتھ رہنا حرام وناجائز ہے، آپ فوراً اپنے شوہر سے علاحدگی اختیار کرلیں، اور معاملہ اگر نزاعی ہو تو مقامی شرعی پنچایت کے ذریعہ اس کو حل کرلیں۔