عبادات >> طہارت
سوال نمبر: 610760
پیشاب كا قطرہ كپڑے یا بدن پر لگ جائے تو کیا حکم ہے
سوال : اکثر پیشاب کے بعد قطرے آتے ہیں جو کہ شلوار یا پینٹ پر لگ جاتے ،اس کو پاک کس طرح کرے میں اکثر جب گھر سے دور ہو تا ہوں تو ہاتھ گیلا پھیر لیتا ہوں دو یا تین بر کیا اس سے شلوار یا پینٹ پاک ہو جاتی ہے ؟
جواب نمبر: 610760
بسم الله الرحمن الرحيم
Fatwa: 970-730/D=08/1443
پیشاب كا قطرہ آنے سے وضو ٹوٹ جاتا ہے، نماز یا تلاوت قرآن كرنے كے لیے تازہ وضو كرنا ہوگا۔
عضو یا كپڑے پر لگنے كے سلسلے میں یہ تفصیل ہے كہ صرف ہاتھ بھگوكر گیلا پھیر لینے سے تو اور تلویث ہوجائے گی یعنی ایك قطرہ نجاست دور تك پھیل جائے گی اس لیے گیلا ہاتھ صرف ایك مرتبہ پھیرنا بہتر نہیں۔ اگر نجاست كا پھیلاؤ ہتھیلی كی گہرائی سے كم ہے تو عضو یا كپڑے كو دھونا واجب نہیں، دشواری كے وقت بغیر دھوئے بھی نماز پڑھ سكتے ہیں۔ ہاں اگر پھیلاؤ ہتھیلی كی گہرائی كے برابر یا اس سے زیادہ ہوجائے تو كپڑے یا عضو كا دھونا واجب ہے۔ پیشاب جس جگہ لگا ہو خواہ كپڑا ہو یا جسم اسے تین مرتبہ پانی سے دھولیا جائے۔
واللہ تعالیٰ اعلم
دارالافتاء،
دارالعلوم دیوبند