عبادات >> طہارت
سوال نمبر: 608181
اگر موضع نجاست کا علم نہ
پاؤں کی انگلیوں پر پھنسی کی وجہ سے معمولی سے خون کے قطرے نکلتے ہیں کبھی کبھار ، اگر دیکھیں کہ خون نکلا اور یہ معلوم نہ ہو کہ کس جگہ خون کے قطرے لگے ہیں یا نہیں تو کیا حکم ہے ؟ اس کو جگہ کو پاک کرنی ہوگی یا نہیں ؟
جواب نمبر: 608181
بسم الله الرحمن الرحيم
Fatwa:589-476/L=5/1443
مذکورہ بالا صورت میں چوں کہ موضع نجاست کا علم نہیں ہے ؛ لہذا جہاں نجاست کے لگنے کا امکان ہو اس جگہ کو دھولیجیے ، واضح رہے کہ عموما پھنسی سے نکلنے والا خون ایک درھم کے بقدر یا اس سے کم ہی ہوتا ہے اور وضو کرنے کی صورت میں قوی امید ہے کہ نجاست کا ازالہ بھی ہوگیا ہوگا ؛ لھذا اس حالت میں پڑھی گئی نماز درست ہوگئی۔
اذا لم یتمکن من الازالة لخفاء خصوص المحل المصاب مع العلم بتنجیس الثوب ، قیل: الواجب غسل طرف منہ، فان غسلہ بتحر أو بلا تحر طہر. (الأشباہ والنظائر/1/184/ القاعدة الثالثة/ ط: زکریا)
واللہ تعالیٰ اعلم
دارالافتاء،
دارالعلوم دیوبند