عبادات >> طہارت
سوال نمبر: 602020
ہمبستری میں اگر منی خارج نہ ہو تو غسل واجب ہوگا یا نہیں؟
کیا فرماتے ہیں علمائے دین اس مسئلہ کے بارے میں زید اپنی بیوی کیساتھ ہمبستری کرے لیکن صرف دخول کرے اور منی خارج نہ ہو، تب غسل واجب ہے یا نہیں؟ اگر غسل واجب ہے اور زید کو اس مسئلہ کے بارے میں معلومات نہیں ، تو اب کیا حکم ہے ذید اور اس کی بیوی کے لیے ؟
جواب نمبر: 602020
بسم الله الرحمن الرحيم
Fatwa:390-356/sd=7/1442
صورت مسئولہ میں صرف دخول کرنے سے ہی غسل واجب ہوجائے گا اور زید کو اگر اس مسئلے کا علم نہیں تھا اور بلا غسل نمازیں وغیرہ پڑھ لیں، تو ان کا اعادہ ضروری ہے ۔
-----------------------
بیوی کے لیے بھی وہی حکم ہے۔ (م)
واللہ تعالیٰ اعلم
دارالافتاء،
دارالعلوم دیوبند