عبادات >> طہارت
سوال نمبر: 600289
جس غسل خانہ میں پیشاب كرتے ہوں اس میں وضو كرنا
ہمارے گھر میں ایک غسل خانہ ہے ۔ہم سب گھر والے اسی میں نہاتے ہیں اور اسمیں پیشاب بھی کرتے ہیں ۔چونکہ مجھے نماز پڑھنی ہوتی ہے تو کیا اس غسل خانہ میں وضو کرنا جائز ہے یا نہیں؟
جواب نمبر: 600289
بسم الله الرحمن الرحيم
Fatwa : 134-144/B=03/1442
غسل خانہ میں پیشاب کرنے سے حدیث شریف میں ممانعت آئی ہے ایسے غسل خانہ میں غسل کرنے یا وضو کرنے سے وسوسہ رہتا ہے کہ معلوم نہیں میرا غسل یا وضو صحیح ہوا یا نہیں۔ آپ لوگ غسل خانہ میں پیشاب کرنا بالکل بند کردیں پیشاب کرنے کے لئے علیحدہ سے پیشاب خانہ یا فلش بنائیں۔ ایسے غسل خانہ میں وضو نہ کرنا چاہئے؛ البتہ اگر پیشاب خانہ علیحدہ ہے تو پھر کوئی حرج نہیں۔
واللہ تعالیٰ اعلم
دارالافتاء،
دارالعلوم دیوبند