عبادات >> طہارت
سوال نمبر: 600101
پیشاب کے قطرے آنے والے شخص کے لیے طہارت اور امامت كا مسئلہ
بعد سلام عرض ہے کہ ایک شخص ایسا ہے جس کو استنجا کرنے کے بعد پیشاب کے قطرے آتے ہیں یا اس کو خدشہ ہوتا ہے قطرے آنے کہ کا تو ایسی صورت میں اس شخص کے لیے پاکی کا کیا طریقہ ہوگا؟ جس سے وہ نماز پڑھ سکے دوسری بات یہ کہ ایسا شخص امامت کرا سکتا ہے یا نہیں؟
جواب نمبر: 600101
بسم الله الرحمن الرحيم
Fatwa : 79-49/H=02/1442
جس قدر وقت پہلے پیشاب کرلینے سے قطرات کے آنے کا خدشہ باقی نہیں رہتا اتنی دیر پہلے پیشاب کرکے قطرات کو خشک کر لیا کرے اور جب اطمینان ہو جائے پانی سے پاکی حاصل کرلیا کرے اس کے بعد سے نماز ادا کرنے کا اہتمام کرتا رہے پیشاب سے فارغ ہوکر ٹیشو پیپر اتنی مقدار میں رکھ کر باندھ لیا کرے کہ قطرات نکلیں تو ٹیشو پیپر اندر اندر جذب کرلے اور پھر پانی سے پاکی حاصل کرلے چونکہ یہ شخص قطرہ کا مریض ہے اور قطرات موقوف ہوجانے پر اطمینان کے باوجود قطرہ آجانے کا خطرہ لگا رہتا ہے اس لئے وہ احتیاطاً امامت نہ کرائے۔
واللہ تعالیٰ اعلم
دارالافتاء،
دارالعلوم دیوبند