عنوان: فرش یا ٹائلز كی طہارت كا طریقہ

سوال: میں نے بہشتی زیور میں پڑھا ہے کہ جو اینٹیں یا پتھر چونا یا گاڑے سے زمین میں خوب جمادی جائے گئی ہو کہ بغیر کھودے زمین سے جدا نہ ہوتے ہو تووہ بھی سوکھ جانے سے پاک ہوجاتے ہیں جیسا کہ مٹی سوکھ جانے سے پاک ہوجاتی ہے تو کیا گھروں کے فرش جو سیمنٹ اور چپس ہوتاہے یا پھر ٹائلز جو کہ لگائے جاتے ہیں گھر وں میں یا ایسے ہی اینٹوں کا فرش جو دیہا ت وغیرہ میں بناجاتاہے سب پاک ہوجاتے ہیں سکھ جانے کے بعد؟ اس فرش یا ٹائلز کیا کیا حکم ہے جو کہ مکان کے دوسری یا تیسیر چھت پر ہو کہ زمین کے ساتھ کوئی جوڑ نہ ہو بلکہ لینٹر میں ہی جوڑے جاتے ہوں؟ براہ کرم،اس پر روشنی ڈالیں۔

جواب نمبر: 3537901-Sep-2020 : تاریخ اشاعت

بسم الله الرحمن الرحيم

فتوی(د): 1988=442-12/1432 ”زمین میں جمادی گئی ہو“ اس کے ساتھ یہ بھی ضروری ہے کہ اس میں پانی جذب بھی ہوتا ہو جیسے کچی پکی اینٹ اور چونا پتھر سے مراد وہ کھردار پتھر ہے جو پانی کو جذب کرتا ہو، چکنا پتھر جیسے سنگ مرمر ٹائلس تو اسے دھوکر صاف کرنا ضروری ہے، محض سوکھنے سے پاک نہیں ہوگا۔ ”قال في الشامي: فقلنا (الحجر) إذا کان خشنًا فہو في حکم الأرض لأنہ یتشرب النجاسة وإن کان أملس فہو فی حکم غیرہا لأنہ لا یتشرب النجاسة“ (شامي: ۲۲۸) سیمنٹ کے فرش کو بھی اس وقت دھونا ضروری ہوگا، جب خالص سیمنٹ لگاکر اوپر سے خوب چکنا کردیا گیا ہو۔