عبادات >> طہارت
سوال نمبر: 161754
جواب نمبر: 161754
بسم الله الرحمن الرحيم
Fatwa : 1059-970/M=9/1439
جس غسل کی نیت کرکے غسل کر لیا جائے اور غسل صحیح اور کامل طریقے پر ادا ہو جائے تو اس سے طہارت کبری حاصل ہو جاتی ہے اور طہارت کبری کے ضمن میں طہارت صغری (حدث اصغر سے پاکی) بھی حاصل ہو جاتی ہے اس لئے اس غسل کے بعد اگر کوئی ناقض چیز پیش نہیں آئی ہے تو نماز کے لئے الگ سے وضو بنانے کی ضرورت نہیں اور اگر غسل مسنون طریقے پر کیا جائے تو اس میں وضو کرنا خود شامل ہوتا ہے۔ اگر منشاء سوال کچھ اور ہوتو وضاحت کرکے سوال کریں۔
واللہ تعالیٰ اعلم
دارالافتاء،
دارالعلوم دیوبند