عنوان: ذکر کرتے وقت احتلام ہوجانا

سوال: محترم مفتی صاحب : اگر اللہ اللہ کا ذکر کرتے وقت جذبہ اور وجد کی وجہ سے خودبخود احتلام ہوجائے تو شریعت کا اس بارے میں کیا حکم ہے ؟ کیا بندہ اس طرح کے وجد میں آنے سے احتیاط کرے یا گنجائش ہے ؟

جواب نمبر: 15262330-Aug-2020 : تاریخ اشاعت

بسم الله الرحمن الرحيم

Fatwa: 953-774/D=10/1438

کبھی معدہ کی حِدّت (گرمی) کی وجہ سے احتلام ہوجاتا ہے یہاں ذکر کی وجہ سے حدت میں اضافہ ہوگیا پس احتلام کی وجہ یہ ہوئی، روحانی وجہ نہیں ہے۔

اگر اتفاقاً کبھی ایسا ہوگیا تو کوئی بات نہیں اور اگر اثر ایسا ہوتا ہو تو پھر ذکر کے معمول میں احتیاط یا تبدیلی کی ضرورت ہے، طریقہ ذکر، تعداد ذکر، وقت ذکر ہرایک میں جو مناسب ہو تبدیلی کی جائے گی اس سلسلے میں آپ اپنے شیخ سے رجوع کریں اور ان کی اجازت کے بعد ہی ذکر کا معمول بنائیں۔