عبادات >> طہارت
سوال نمبر: 149464
جواب نمبر: 149464
بسم الله الرحمن الرحيم
Fatwa ID: 605-562/B=6/1438
جس شخص کو اس قدر پیشاب ٹپکتا رہتا ہے کہ وضو کرکے ایک وقت کی نماز پڑھنے کا بھی موقعہ نہیں ملتا تو ایسا شخص معذور ہے وہ اسی ناپاکی کی حالت میں بروقت تازہ وضو کرکے نماز پڑھ لے اس کی نماز ہو جائے گی، مگر غالباً آپ کو صرف پیشاب کرنے کے بعد ہی قطرات آتے ہیں لہٰذا آپ معذور میں داخل نہیں ہیں آپ کو پیشاب کے بند ہونے کا انتظار کرنا پڑے گا جب پیشاب آنا بند ہو جائے اس وقت پاک کپڑے بدل کر وضو کرکے نماز پڑھنی ہوگی، آپ توجہ کے ساتھ کسی تجربہ کار ماہر طبیب سے یونانی علاج کرائیں تو آپ کی یہ پریشانی دور ہوسکتی ہے۔
واللہ تعالیٰ اعلم
دارالافتاء،
دارالعلوم دیوبند