عبادات >> طہارت
سوال نمبر: 148279
جواب نمبر: 148279
بسم الله الرحمن الرحيم
Fatwa ID: 324-535/Sd=6/1438
ثخینین منعل جرابوں پر مسح جائز ہے اور رقیق منعل جرابوں پر مسح کے سلسلے میں اختلاف ہے ، عدم جواز کا قول احوط ہے ۔ ( امداد الفتاوی ، حاشیہ: ۷۵/۱تا ۷۷) اور ثخینین سے مراد ایسے موزے ہیں، جن کا کپڑا اس قدر دبیز ، موٹا اور مضبوط ہو کہ اُس میں تین میل جوتے کے بغیر سفر کیا جاسکے اور وہ پنڈلی پر بغیر باندھے قائم رہ سکے ، یہ قائم رہنا کپڑے کی تنگی کی وجہ سے نہ ہو؛ بلکہ اُس کی ضخامت اور جرم کی وجہ سے ہو، نیز اُس میں پانی جلدی نہ چھنے ، جس موزے میں یہ شرائط نہ پائی جائیں، وہ رقیق کہلاے گا ۔ (غنیة المتملی فی شرح منیة المصلی، ص: ۱۰۵، ۱۰۶، ط: دار الکتاب، دیوبند )
واللہ تعالیٰ اعلم
دارالافتاء،
دارالعلوم دیوبند