• عبادات >> صوم (روزہ )

    سوال نمبر: 66983

    عنوان: اگر ایک لڑکی نے روزہ رکھا ہو ،مگر ظہر کی نماز کے وقت ناپاکی کی حالت میں ہوجاتی ہے تو کیا وہ روزہ ہوجائے گا یا نہیں؟

    سوال: (۱) اگر ایک لڑکی نے روزہ رکھا ہو ،مگر ظہر کی نماز کے وقت ناپاکی کی حالت میں ہوجاتی ہے تو کیا وہ روزہ ہوجائے گا یا نہیں؟ ہوگا تو کیسے؟ اور (۲) کیا وہ ظہر کے وقت ہی افطار کرسکتی ہے؟

    جواب نمبر: 66983

    بسم الله الرحمن الرحيم

    Fatwa ID: 974-957/N=10/1437

    (۱): جی !نہیں، اگر کسی عورت کو روزہ کی حالت میں ماہواری شروع ہوگئی تووہ روزہ ختم ہوگیا ؛ کیوں کہ عورت کے حق میں روزہ کی صحت کے لیے عورت کا صبح صادق سے کچھ پہلے سے غروب آفتاب تک حیض اور نفاس میں نہ ہونا شرط ہے ، اگر عورت کو غروب آفتاب سے ایک دو منٹ پہلے ماہواری آگئی تب بھی اس کا روزہ صحیح نہ ہوگا اگرچہ مجاہدہ کا اجر پائے گی، قولہ:”طاھر عن حیض أونفاس“:أي: خال عنھما الخ (رد المحتار، أول کتاب الصوم ۳: ۳۳۱، ط: مکتبة زکریا دیوبند)۔
     (۲): ایسی عورت کے لیے غروب آفتاب تک روزہ داروں کی طرح رہنے کا حکم نہیں ہے ؛ بلکہ اس کے لیے روزہ داروں کی مشابہت اختیار کرتے کھانے پینے سے رکنا جائز ہی نہیں ؛ لہٰذا روزہ کی حالت میں ماہواری آنے کے بعد عورت بلا تکلف کھاپی سکتی ہے، البتہ روزہ داروں کے سامنے کھانے پینے سے احتیاط کرے، وأجمعوا علی أنہ - الإمساک- لا یجب علی الحائض والنفساء والمریض والمسافر (رد المحتار ۳: ۳۸۳، ط: مکتبة زکریا دیوبند عن الشرنبلالیة)،وأما في حالة تحقق الحیض والنفاس فیحرم الإمساک؛ لأن الصوم منھما حرام، والتشبہ بالحرام حرام (حاشیة الطحطاوي علی المراقي ص ۶۷۸، ط: دار الکتب العلمیة بیروت)۔


    واللہ تعالیٰ اعلم


    دارالافتاء،
    دارالعلوم دیوبند