عبادات >> صوم (روزہ )
سوال نمبر: 60399
جواب نمبر: 60399
بسم الله الرحمن الرحيم
Fatwa ID: 707-672/Sn=10/1436-U وتر کے بعد نفل پڑھنا بلاشبہ جائز ہے؛ البتہ اکابر کے درمیان کسی قدر اختلاف اس بارے میں ہے کہ بعد الوتر دو رکعت نفل نماز بیٹھ کر پڑھنا مستحب ہے یا کھڑے ہوکر اکثر اس بات کے قائل ہیں کہ کھڑے ہوکر پڑھنا زیادہ باعث اجر وثواب ہے، بیٹھ کر پڑھنے سے آدھا ثواب ملے گا، بعض اس بات کے قائل ہیں کہ بیٹھ کر پڑھنا مستحب ہے، حضرت علامہ انورشاہ کشمیری رحمہ اللہ بھی اس کے قائل تھے (دیکھیں: فیض الباری علی صحیح البخاری، کتاب التہجد اور فتاوی رشیدیہ، ص:۷۷، فتاوی محمودیہ: ۷/۲۲۷، ڈابھیل) باقی آپ نے سوال میں بعد الوتر نوافل کے عدم جواز کی جو بات لکھی ہے، وہ صحیح نہیں ہے، شاہ صاحب نے کیا لکھا ہے، ان کی پوری عبارت کیا ہے، احسن العلوم کے مہتمم نے کیا بات کہی، مکمل تفصیل ہمارے سامنے ہو تو اس پر غور کیا جاسکتا ہے۔
واللہ تعالیٰ اعلم
دارالافتاء،
دارالعلوم دیوبند