عنوان: عورت کے اگلے مقام میں انگلی ڈالنے سے روزہ ٹوٹ جائے

سوال: ذیل کی صورتوں میں انزال نہ ہونے پر روزے کا کیا حکم ہے؟ اور اگر انزال نہ ہو ، لیکن مذی نکلے آئے تو پھر کیا حکم ہے؟ (۱) عورت کے اگلے مقام میں انگلی ڈالنے سے روزہ ٹوٹ جائے گا؟ (۲) عورت ک پچھلے مقام میں انگلی ڈالنے پر روزہ کا کیا حکم ہے؟ (۳) مرد کے پچھلے مقام میں انگلی داخل کرنے پر روزہ کیا حکم ہے؟

جواب نمبر: 5439601-Sep-2020 : تاریخ اشاعت

بسم الله الرحمن الرحيم

Fatwa ID: 1282-420/L=9/1435-U تینوں صورتیں دو حال سے خالی نہیں۔ (۱) صرف خشک انگلی سے یہ کام کرے جس پر پانی یا تیل وغیرہ کچھ اثر نہ ہو تو روزہ نہیں ٹوٹے گا۔ (۲) اگر پانی یا تیل وغیرہ سے تر انگلی سے یہ کام کرے تو روزہ ٹوٹ جائے گا اور اگر ایسا کرنے سے انزال ہوجائے تو روزہ ٹوٹ جائے گا خواہ ڈالنے والے کو انزال ہوجائے یا مفعول کو، اور صرف مذی نکلنے سے روزہ نہیں ٹوٹے گا۔ عالمگیریہ میں ہے: ولو أدخل إصبعہ في إستہ أو المرأة في فروجہا لا یفسد وہو المختار إلا إذا کانت مبتلة بالماء أو الدہن فحینئذٍ یفسد لوصول الماء أو الدہن (الہندیة: ۱/۲۰۴، ومثلہ في التتارخانیة: ۳/۳۸۰ ط زکریا ) واضح رہے کہ عورت کی شرمگاہ میں انگلی داخل کرنے کے بعد دوبارہ نکال کر پھرداخل کرنے سے روزہ ٹوٹ جائے گا خواہ شروع میں انگلی تر نہ ہو۔