عبادات >> صوم (روزہ )
سوال نمبر: 30487
جواب نمبر: 30487
بسم الله الرحمن الرحيم
فتوی(م):420=420-3/1432
تراویح ۲۰/ رکعت سنت موٴکدہ ہے، موطا امام مالک رحمہ اللہ اور مصنف ابن ابی شیبہ اور دیگر کتب حدیث سے ثابت ہے، اور صحابہٴ کرام ائمہ مجتہدین اور تابعین عظام کا اس پر اتفاق ہے، عہد فاروقی سے آج تک شرقا وغربا اسی پر عمل ہے، حرمین شریفین میں بھی ۲۰/ رکعت تراویح ہوتی ہے، آٹھ رکعت والی روایت آپ صلی اللہ علیہ وسلم کے تہجد کے بارے میں ہے، تراویح اور تہجد دو الگ نمازیں ہیں، اور ان کی رکعتوں میں فرق سنت سے ثابت ہے، جو لوگ آٹھ رکعت تراویح مانتے ہیں، ان کا استدلال تہجد کی روایت سے ہے جو غلط ہے۔
واللہ تعالیٰ اعلم
دارالافتاء،
دارالعلوم دیوبند