• عبادات >> صوم (روزہ )

    سوال نمبر: 179778

    عنوان:

    جدید ٹیکنا لوجی کی مدد سے موبائل فون یا کمپیوٹر کی اسکرین پر چاند دیکھنے کا حکم

    سوال:

    رویت ہلال کے لئے چاند کا اپنی آنکھوں سے دیکھنا ضروری ہے تو اگر جدید ٹیکنالوجی کی مدد سے چاند کو موبائل-فون یا کمپیوٹر کی سکرین پر اپنی آنکھوں سے دیکھ لیا جائے تو کیا اس سے رویت ہلال کا شرعی تقاضا پورا ہو جائے گا؟

    جواب نمبر: 179778

    بسم الله الرحمن الرحيم

    Fatwa:16-24/N=2/1442

     جدید ٹیکنا لوجی کی مدد سے موبائل فون یا کمپیوٹر کی اسکرین پر جو چاند دیکھا جائے گا، یہ وہی چاند ہوگا، جو افق پر ٹھیک اُسی وقت اُسی علاقہ میں موجود ہو، جہاں موبائل فون یا کمپیوٹر کی اسکرین پر چاند دیکھا جارہا ہے یا وہ کبھی کا یا کہیں کا بھی چاند ہوسکتا ہے؟ نیز جس ٹیکنا لوجی کی مدد سے موبائل فون یا کمپیوٹر کی اسکرین پر چاند دیکھا جائے گا، اُس کا نام بھی تحریر فرمائیں؛ تاکہ چاند کی رویت میں اُس کی کارکردگی کی صحیح تفصیلات معلوم کی جاسکیں ۔


    واللہ تعالیٰ اعلم


    دارالافتاء،
    دارالعلوم دیوبند