عبادات >> صوم (روزہ )
سوال نمبر: 16661
رمضان
کے اعتکاف کی حالت میں جمعہ کے دن غسل کیا جاسکتا ہے یا نہیں، اکثر عالم منع کرتے
ہیں؟ایک عالم نے کہا کہ شامی کی حدیث کے مطابق جمعہ کا غسل جائز ہے، صحیح جواب
ارشاد فرمادیجئے؟
رمضان
کے اعتکاف کی حالت میں جمعہ کے دن غسل کیا جاسکتا ہے یا نہیں، اکثر عالم منع کرتے
ہیں؟ایک عالم نے کہا کہ شامی کی حدیث کے مطابق جمعہ کا غسل جائز ہے، صحیح جواب
ارشاد فرمادیجئے؟
جواب نمبر: 16661
بسم الله الرحمن الرحيم
فتوی(د):2048=1628-11/1430
حالت اعتکاف میں بدون ضرورت شرعیہ اور طبعیہ کے مسجد سے باہر نکلنا منع ہے، غسل جمعہ ضرورت میں داخل ہے یا نہیں؟ جن علماء نے غسل کو سنت ہونے کی وجہ سے ضروری نہیں سمجھا انھوں نے منع کردیا، اور دوسرے علماء نے کہا کہ جس طرح وضو مستحب کے لیے نکلنے کی اجازت ہے، اسی طرح غسل مستحب کے لیے نکلنا بھی جائز ہے، ایسی صورت میں احتیاط اسی میں ہے کہ نہ نکلے اور اگر کبھی نکل کر غسل جمعہ کرلیا تو گنجائش ہے، اعتکاف فاسد نہ ہوگا۔
واللہ تعالیٰ اعلم
دارالافتاء،
دارالعلوم دیوبند