عنوان: اگر بیوی نے کپڑے کے اوپر سے شوہر کی شرمگاہ پر ہاتھ پھیرا اور شوہر کو انزال ہوگیا تو روزہ باقی رہے گا یا ٹوٹ جائے گا؟

سوال: اگر بیوی کپڑے کے اوپر سے شوہر کی شرم گاہ پر ہاتھ پھیرے ، ہاتھ ہٹانے کے بعد شوہر کواختلام ہو جائے تو ایسی صورت میں روزہ کے بارے میں کیا حکم ہوگا؟

جواب نمبر: 16277101-Sep-2020 : تاریخ اشاعت

بسم الله الرحمن الرحيم

Fatwa:1073-1084/N=12/1439

اگر بیوی نے شوہر کی شرمگاہ پر کسی ایسے کپڑے کے اوپر سے ہاتھ پھیرا جو مرد کی شرمگاہ کی گرمی عورت کے ہاتھ تک پہنچنے میں رکاوٹ ہو اور ہاتھ ہٹانے کے بعد شوہر کو انزال ہوگیا تو اس صورت میں مرد یا عورت کسی کا روزہ نہیں ٹوٹا، دونوں کا روزہ پہلے کی طرح باقی ہے؛ البتہ روزہ کی حالت میں میاں بیوی کو یہ سب کام نہیں کرنے چاہیے۔

وقید الحائل بکونہ لا یمنع الحرارة لما فی البحر: لو مسھا وراء الثیاب فأمنی فإن وجد حرارة جلدھا فسد وإلا فلا (رد المحتار، کتاب الصوم، باب ما یفسد الصوم وما لایفسدہ، ۳۷۹، ط: مکتبة زکریا دیوبند)۔