عبادات >> صوم (روزہ )
سوال نمبر: 16195
میں
ابھی قطر میں ہوں یہاں رمضان میں وتر جماعت کے ساتھ ہوتی ہے لیکن دو سلام کے ساتھ۔
دو رکعت کے بعد سلام پھیر کر پھر ایک رکعت پڑھتے ہیں۔ رکوع کے بعد قنوت نازلہ
پڑھتے ہیں۔ ابھی میں کیا کروں امام کے ساتھ وتر پڑھوں یا نہیں؟ جلد جواب دیجئے
مہربانی ہوگی۔
میں
ابھی قطر میں ہوں یہاں رمضان میں وتر جماعت کے ساتھ ہوتی ہے لیکن دو سلام کے ساتھ۔
دو رکعت کے بعد سلام پھیر کر پھر ایک رکعت پڑھتے ہیں۔ رکوع کے بعد قنوت نازلہ
پڑھتے ہیں۔ ابھی میں کیا کروں امام کے ساتھ وتر پڑھوں یا نہیں؟ جلد جواب دیجئے
مہربانی ہوگی۔
جواب نمبر: 16195
بسم الله الرحمن الرحيم
فتوی: 1530=1211/1430/ل
اگر امام وتر کی نماز دو سلام سے پڑھاتا ہے تو آپ کی وتر اس امام کے پیچھے درست نہیں ہوگی، اگر مسجد چھوڑکر آنے میں کسی دشواری کا سامنا نہ ہو تو آپ اپنی وتر تنہا ادا کیا کریں، اور اگر نکلنے میں دشواری ہو تو اس امام کی اقتداء میں پڑھ لیں اور بعد میں اس کا اعادہ کرلیں۔
واللہ تعالیٰ اعلم
دارالافتاء،
دارالعلوم دیوبند