عنوان: رؤیت ہلال كمیٹی كا فیصلہ نہ ماننا

سوال: یہاں پاکستان کے ایک صوبہ kpk والوں کی الگ کمیٹی ہے جو چاند دیکھ کر روزہ، عید کا اعلان کرتی ہے ۔جبکہ کچھ علاقے اس کمیٹی کے فیصلے کو نہیں مانتے ایک علاقہ میں باقاعدہ رویت ہلال پر روزہ ہوا، وہاں کے ایک رہائشی نے روزہ رکھا اور صبح ایک قریبی گاؤں چلاگیاجہاں کے لوگ پاکستان رؤیت ہلال کمیٹی کے ساتھ روزہ رکھتے ہیں اس دن وہاں روزہ نہیں تھا، لوگ کھا پی رہے تھے ، اس بندہ نے بھی کھایا اور روزہ توڑا تو کیا اس پر کفارہ واجب ہوگا؟ یہ سفر شرعی مقدار سے کم ہے تقریبا 8یا10کلومیٹر تھا۔

جواب نمبر: 15224001-Sep-2020 : تاریخ اشاعت

بسم الله الرحمن الرحيم

Fatwa: 1024-1001/B=11/1438

حدیث شریف میں آیا ہے ”صوموا لروٴیتہ وأفطروا لروٴیتہ“ یعنی چاند دیکھ کر روزہ رکھو اور چاند دیکھ کر عید مناوٴ۔ اگر آپ کے صوبہ کی روٴیت ہلال کمیٹی نے چاند دیکھ کر روٴیت کا فیصلہ کیا اور روزہ رکھنے کا حکم دیا تو یہ بالکل صحیح فیصلہ کیا اور روزہ رکھنے والوں کا روزہ صحیح ہوا۔ دوسری جگہ یعنی دوسرے صوبہ میں خواہ چاند نہ ہوا تو بھی اپنے صوبہ کی کمیٹی کا فیصلہ صحیح اور نافذ العمل ہوگا۔ پہلے صوبہ والے نے دوسرے صوبہ میں جاکر روزہ توڑدیا تو اس پر صرف قضا واجب ہوگی۔