• عبادات >> صلاة (نماز)

    سوال نمبر: 69584

    عنوان: بغیر ٹوپی کے نماز پڑھنا کیسا ہے؟

    سوال: اگر بغیر ٹوپی پہنے نماز پڑھی جائے یہ کیسا ہے؟ کیا ثواب کم ہوجائے گا؟ کسی نے مجھ سے کہا ہے کہ محمد صلی اللہ علیہ وسلم نے بغیر ٹوپی کے نماز پڑھی ہے اور بہت سی حدیث کے حوالے بھی دیئے۔ براہ مہربانی حوالوں کے ساتھ جواب دیں۔

    جواب نمبر: 69584

    بسم الله الرحمن الرحيم

    Fatwa ID: 868-899/B=11/1437

    اگر اللہ کے سامنے اپنی عاجزی اور تذلُّل دکھانے کے لیے بغیر ٹوپی کے نماز پڑھتا ہے تو درست ہے، اور اگر لااُبالی پن میں یا موجودہ زمانہ کے فیشن میں بغیر ٹوپی کے نماز پڑھتا ہے تو یہ مکروہ تنزیہی یعنی خلاف اولیٰ ہے یعنی تھوڑا بہت ثواب کم ہو جاتا ہے۔
    --------------------------------
    جواب درست ہے ٹوپی موجود ہوتے ہوئے قصداً ننگے سر نماز پڑھنا مکروہ ہے جس شخص نے آپ سے یہ کہا کہ رسول اللہ صلی اللہ علیہ وسلم نے بغیر ٹوپی کے نماز پڑھی ہے اس سے پوچھئے کہ کیا رسول اللہ کا دائمی معمول ننگے سر نماز پڑھنے کا تھا؟ اگر ہاں تو اس بارے میں صحیح صریح مرفوع حدیث پیش کیجئے۔ (م)


    واللہ تعالیٰ اعلم


    دارالافتاء،
    دارالعلوم دیوبند