عنوان: اگر ایک شخص اپنی تقریباً ساری قضا نمازیں پڑھ چکا ہے ، لیکن اگر کچھ نمازوں میں شک ہو تو اب جو قضا نماز پڑھے گا تو کیا وہ نماز صلاة موہومہ کہلائے گی؟اور اس میں مغرب یا وتر کس طرح پڑھی جائے گی؟

سوال: اگر ایک شخص اپنی تقریباً ساری قضا نمازیں پڑھ چکا ہے ، لیکن اگر کچھ نمازوں میں شک ہو تو اب جو قضا نماز پڑھے گا تو کیا وہ نماز صلاة موہومہ کہلائے گی؟اور اس میں مغرب یا وتر کس طرح پڑھی جائے گی؟ تفصیل سے جواب دیں۔

جواب نمبر: 6286030-Aug-2020 : تاریخ اشاعت

بسم الله الرحمن الرحيم

Fatwa ID: 175-175/M=3/1437-U اگر اس شخص کو یقین یا ظن غالب ہے کہ ساری قضا نمازیں ادا کرچکا ہے تو ذمہ فارغ ہے کسی شک میں نہ پڑے اور آئندہ اس کا خوب خیال رکھے کہ کوئی نماز قضاء نہ ہونے پائے اور اگر اسے شرح صدر اور اطمینان نہیں ہے بلکہ شک ہے کہ شاید ابھی کچھ نمازوں کی قضا باقی ہے تو جتنی نمازوں کے متعلق شبہ ہو اتنی نمازیں جلد ادا کر کے ذمہ فارغ کرلے اسے صلاة موہومہ سے تعبیر کرنا فضول ہے، مغرب اور وتر کی قضا بھی اسی طرح پڑھی جائے گی جس طرح ادا پڑھی جاتی ہے، یعنی تین رکعت ایک سلام کے ساتھ۔