عنوان:

لاؤڈاسپیکر سے نماز پڑھنا

سوال:

سوال : مفتی صاحب، نماز میں ا سپیکر کا استعمال کس حد تک ہے ؟کی آج سے 50 سے 60 سال پہلے تک یہ حرام تھا ؟

جواب نمبر: 60870009-Jan-2022 : تاریخ اشاعت

بسم الله الرحمن الرحيم

Fatwa : 686-561/B=06/1443

 اب سے بہت پہلے لاوٴڈ اسپیکر کو امامت میں استعمال کرنے کو بعض حضرات غلط ناجائز کہتے تھے۔ اس کی وجہ یہ تھی کہ وہ اسپیکر کی آواز کو مبینہ امام کی آواز نہیں مانتے تھے؛ بلکہ صدائے بازگشت مانتے تھے۔ بعد میں علماء نے سائنسدانوں سے تحقیق کی اور جب یہ بات ثابت ہوگئی کہ اسپیکر سے آنے والی آواز امام ہی کی آواز ہوتی ہے۔ بس اتنی بات ہے کہ اس کے ذریعہ یعنی اسپیکر کے ذریعہ زیادہ بلند ہوکر نکلتی ہے۔ یہ صدائے بازگشت نہیں ہے۔ تو پھر سب علماء نے ضرورت کے وقت اسپیکر کو نماز میں استعمال کرنے کے جواز کا فتوی دے دیا۔ پس ضرورت کے بقدر اس کا استعمال ہونا چاہئے۔