عنوان:

نماز باجماعت میں چھوٹے بچوں کا مردوں کی صف میں کھڑا ہونا

سوال:

جماعت میں چھوٹے بچے بیچ میں کھڑے ہو نے سے بڑوں کی نماز مکروہ ہو جاتی ہے کیا؟

جواب نمبر: 60738619-Nov-2021 : تاریخ اشاعت

بسم الله الرحمن الرحيم

Fatwa:92-57/H-Mulhaqa=4/1443

 نماز باجماعت میں چھوٹے (سمجھ دار) نابالغ بچوں کا مردوں کی صف میں کھڑا ہونا عام حالات میں صف بندی کے مسنون طریقے کے خلاف ہے، اگر جماعت میں نابالغ بچے ایک سے زائد ہوں تومردوں کے پیچھے اُن کی مستقل صف بنائی جائے، انھیں مردوں کی صف میں نہ کھڑا نہ کیا جائے، اور اگر کسی ایک یاچند مردوں نے اپنے نابالغ (سمجھ دار) بچے صف میں ساتھ کھڑے کرلیے؛ تاکہ وہ دیگر بچوں کے ساتھ مل کر شرارت نہ کریں تو بعض متاخرین فقہا نے اس کی اجازت دی ہے۔

ویصف الرجال ثم الصبیان إلخ (تنویر الأبصار مع الدر والرد، کتاب الصلاة، باب الإمامة، ۲: ۳۰۹- ۳۱۴، ط: مکتبة زکریا دیوبند)۔

(ویصف) أي: یصفھم الإمام بأن یأمرھم بذلک،… (ثم الصبیان) ظاھرہ تعددھم، فلو واحداً دخل الصف (الدر المختار)۔

إن الصبي الواحد لا یقوم منفرداً عن صف الرجال؛ بل یدخل في صفہم (البحر الرائق، ۱: ۳۵۳۔ ط: مکتبة زکریا دیوبند)۔

لاخلاف بین الفقہاء في أنہ إذا اجتمع رجال وصبیان وخناثی ونساء في صلاة الجماعة تقدم الرجال، ثم الصبیان، ثم الخنثی، ثم النساء (الموسوعة الفقہیة، ۲۰:۲۵، ط: الکویت، نقلاً عن المغني لابن قدامة، ۱:۲۱۸)