عنوان:

كیا یہ بات درست ہے كہ صف میں بچوں كو كھڑا كرنے سے بڑوں كی نماز نہیں ہوتی؟

سوال:

لوگوں کا کہنا ہے کہ بچوں کے صف میں کھڑے ہونے سے نماز نہیں ہوتی ، دوسرا یہ کہ بچوں پر شریعت واجب نہیں ہوتی تو پھر ان کے کان میں اذان کیوں دی جاتی ہے؟ ختنہ کیوں کرایا جاتاہے؟ آخر مسئلہ کیا ہے بچوں کے صف کھڑے ہونے سے؟ براہ کرم، جواب دیں۔

جواب نمبر: 60517517-Aug-2021 : تاریخ اشاعت

بسم الله الرحمن الرحيم

Fatwa:882-712/sd=1/1443

 اگر صر ف ایک سمجھ دار نابالغ بچہ ہے تو وہ بڑوں کی صف میں کھڑا ہوگا، اگر کئی بچے ہیں تو وہ بڑوں کی صف کے پیچھے صف بناکر کھڑے ہوں گے اور یہ اندیشہ ہو کہ وہ آپس میں شرارت کریں گے تو ان کو بڑوں ہی کے صف میں کھڑا کرنا چاہیے اور یہ کہنا کہ بچوں کے صف میں کھڑے ہونے سے نماز نہیں ہوتی ہے؛ درست نہیں ہے۔

ویصف الرجال ثم الصبیان، ظاہرہ تعددہم، فلو واحدً دخل الصف (درمختار) وفی تقریرات الرافعی: قال الرحمتی ربما یتعین فی زماننا إدخال الصبیان فی صفوف الرجال؛ لأن المعہود منہم إذا اجتمع صبیان فأکثر تبطل صلاة بعضہم ببعض، وربما تعدی ضررہم إلی إفساد صلاة الرجال انتہی اھ سندی ( الدر المختار مع رد المحتار : ۲/۵۱۲، زکریا)

واضح رہے کہ یہ حکم ان بچوں کا ہے، جو نماز اور وضو کی تمیز رکھتے ہوں، ورنہ زیادہ چھوٹی عمر کے بچوں کو مسجد میں لانا ہی جائز نہیں۔