عبادات >> صلاة (نماز)
سوال نمبر: 605128
اگر ظہر كی نماز چھوٹ جائے تو عصر كے بعد پڑھ سكتے ہیں یا نہیں؟
میرا سوال یہ ہے کے . میری ظہر کی نماز چھوت گئی میں گاڑی چلا رہا تھا اور لاکدون کی وجہ سے راستے میں مسجد بھی نہیں ملی سب بند ہے یہا ں تک کہ ا عصر کا وقت آگیا اب ظہر کیسے ادا کروں کیا عصر کی نماز کے بعد ظہر کے فرز ادا کرنا درست ہے یا نہیں؟ رہنمائی فرمائیں۔
جواب نمبر: 605128
بسم الله الرحمن الرحيم
Fatwa : 1245-869/H=11/1442
اگر آپ صاحب ترتیب ہیں تب آپ پر واجب ہے کہ پہلے ظہر کی نماز قضاء کی نیت سے پڑھ لیں، پھر عصر کی نماز اداء کریں۔ اگر صاحب ترتیب نہیں اور پہلے عصر پڑھ لیں پھر ظہر کی نماز قضاء پڑھ لیں تب بھی درست ہے۔ باقی اگر راستہ میں مسجد نہیں یا ملی مگر بند تھی تو کسی دوکان وغیرہ میں ظہر کی نماز اُس کے وقتِ اداء میں پڑھ لینی چاہئے۔ اپنی گاڑی میں تو عامةً بہت سہولت ہوتی ہے اس میں پوری کوشش کی جائے کہ نماز قضاء نہ ہونے پائے۔
واللہ تعالیٰ اعلم
دارالافتاء،
دارالعلوم دیوبند