عبادات >> صلاة (نماز)
سوال نمبر: 605066
غیر قوم کے مال سے بنائی گئی مسجد میں نماز پڑھنا كیسا ہے؟
ہمارے قبرستان میں ایک آ مدار نے نماز جنازہ کے لیے مسجد بنائی سر کاری مال سے کیا اس مسجد میں نماز جنازہ یا نماز پنچ وقت ادا کی جا سکتی ہیں مکمل و مدللل جواب دینے کی زحمت کریں ۔
جواب نمبر: 605066
بسم الله الرحمن الرحيم
Fatwa : 832-685/M=10/1442
جو قبرستان، تدفین موتی کے لئے وقف ہو اس میں شرعی مسجد بنانا یا مستقل جنازہ گاہ بنانا درست نہیں۔ سوال میں قبرستان موقوفہ ہے یا مملوکہ؟ اور مسجد کس نے بنوائی؟ اور مسجد سے مراد شرعی مسجد ہے یا جنازہ گاہ؟ اور سرکاری مال کس کی اجازت سے لگایا؟ اور مسجد اب بنوائی گئی ہے یا جس وقت سے قبرستان ہے اسی وقت سے ہے؟ ذمہ داران کی جانب سے ان تمام امور کی وضاحت کے ساتھ سوال آنا چاہئے۔
واللہ تعالیٰ اعلم
دارالافتاء،
دارالعلوم دیوبند