عبادات >> صلاة (نماز)
سوال نمبر: 604655
تراویح میں دوسری ركعت پر قعدہ كیے بغیر تیسری ركعت كے آخر میں سجدہٴ سہو كرلیا تو نماز كا كیا حكم ہے؟
تراویح کی نماز میں امام صاحب نے دو کی جگہ تین رکعت پڑھی،دوسری رکعت میں قعدہ بھی نہیں کیا ،لیکن سجدہ سہو کرکے سلام پھیر دیاتو کیا نماز ہو گی یا نہیں ۔ اگر نماز نہیں ہوگی تو کیا نماز کا اعادہ دن گزرنے کے بعد کر سکتے ہیں،اگر اعادہ نہیں کر سکتے تو کیا ان تین رکعتوں میں پڑھی گیء قرائت کا اعادہ کرنا ضروری ہے ،اگر ضروری ہے تو قرائت کا اعادہ کیسے کریں؟
جواب نمبر: 604655
بسم الله الرحمن الرحيم
Fatwa : 855-198/D=10/1442
تراویح کی نماز میں دو رکعت پر قعدہ کرنا فرض ہے، لہٰذا تین رکعت پڑھ کر سجدہٴ سہو سے اس کی تلافی نہ ہوگی۔ وہ نماز واجب الاعادہ ہے یعنی تمام مقتدیوں کو بتلادیا جائے ہر شخص تنہا تنہا دو رکعت قضا پڑھ لے۔
ان تین رکعتوں میں جو قرآن پڑھا گیا اس کا بھی اعادہ کرنا تھا۔ اس دن نہیں تو دوسرے دن نماز تراویح میں اعادہ کرلیتے۔
واللہ تعالیٰ اعلم
دارالافتاء،
دارالعلوم دیوبند