عنوان:

سنت مؤكدہ اور غیر مؤكدہ میں كیا فرق ہے؟

سوال:

کیا سنت موَکدہ اور سنت غیر موَکدہ کی ادائیگی میں کوئی فرق ہے ؟ اگر ہے تو رہنمائی فرما دیں۔

جواب نمبر: 60464701-Jul-2021 : تاریخ اشاعت

بسم الله الرحمن الرحيم

Fatwa : 964-719/D=11/1442

 سنت موکدہ کی پابندی پر احادیث شریفہ میں بڑی فضیلت وارد ہوئی ہے۔ ایک حدیث میں ہے کہ جو شخص دن رات میں فرائض کے علاوہ 12 رکعت سنن پڑھے گا اس کے لئے جنت میں محل تعمیر کیا جائے گا۔

ان میں سے کسی سنت کو بلاعذر چھوڑنا گناہ مکروہ تحریمی ہے، ا س کی عادت بنانے والا قابل ملامت ہے۔ قال فی الشامی: کانت السنة الموٴکدة قریبة من الواجب فی لحوق الإثم کما فی البحر، یستوجب تارکہا التضلیل واللوم کما فی التخریج: أي علی سبیل الإصرار بلاعذر۔ الدر مع الرد، ص: 451۔

اور سنت غیر موکدہ کو بلاعذر چھوڑنا خلاف اولیٰ ہے۔