عبادات >> صلاة (نماز)
سوال نمبر: 603376
راستہ میں واقع مسجد جہاں امام ومؤذن متعین ہیں كیا وہاں دوسری بار جماعت كرسكتے ہیں؟
کیا فرماتے ہیں مفتیان کرام کے ہمارے علاقے میں ایک پمپ میں مسجد ہے ، جس کے امام اور مقتدی متعین ہیں، اگرچہ وہ راستے میں ہے ، لیکن اگر وہاں کے لوگ یعنی علاقے والے اس میں دوسری جماعت کرتے ہیں تو کیا یہ جائز ہے علاقے والے کے لیے یا نہیں جب کہ پہلی جماعت ہوچکی ہو کبھی کبھار؟
جواب نمبر: 603376
بسم الله الرحمن الرحيم
Fatwa : 769-560/H=07/1442
جب کہ اس مسجد کے امام و مقتدی متعین ہیں تو خواہ وہ مسجد راستہ میں واقع ہے مگر صورت مسئولہ میں وہ مسجد محلہ ہی کے حکم میں ہے پس اس میں جماعت ثانیہ کبھی کبھار بھی مکروہ ہے۔
واللہ تعالیٰ اعلم
دارالافتاء،
دارالعلوم دیوبند